Цяцерын Сяргей Сямёнавіч
Дзейныя актывы: «БелГлобалГарант» (імпарт прадукцыі, дывелапмент і дэзінфекцыя транспарту на мяжы, перапісаны на расійскую кампанію), «Трыа Медыя» (тэлевізійнае вяшчанне і продаж тэлевізійнай рэкламы), СФГ «Старт ТС» (сельская гаспадарка і вытворчасць харчовых прадуктаў), «Межава Старт», «Межава-Агра», «Зубрэвічы-Агра» (гадоўля буйной рагатай жывёлы і вытворчасць мясной прадукцыі), «Лагістычная кампанія Усход» (імпарт тавараў), «Вінны дом» (імпарт алкагольнай прадукцыі).
Гістарычныя актывы: «БелГлобалТон» (гандаль мэбляй і прадметамі інтэр’ера, перапісаны на бізнэс-партнёрку), «БелГлобалСтарт» (гуртовы гандаль, ліквідаваны), «БелГлобалСэрвіс» (футравіна, ліквідаваны), «БелПакЗаб» (гандаль і экспарт, ліквідаваны), «Фудкам’юніці» (грамадскае харчаванне, ліквідаваны), «Хімы СТАРТ ТС» (сельская гаспадарка і вытворчасць харчовых прадуктаў, рэарганізаваны).
Сувязі: Аляксандр Лукашэнка (палітычны заступнік), Леанід Мінец і Вольга Мінец (бізнэс-партнёры ў медыябізнэсе), Таццяна Цяцерына (дачка), Раман Бугаец (бізнэс-партнёр), Ігар Заічкаў (былы памочнік Лукашэнкі ў пытаннях спорту і намеснік дырэктара «БелГлобалСтарт»), Таццяна Матвеева (бізнэс-партнёрка), Аляксей Матвееў (бізнэс-партнёр), Алег Качан (былы міністр спорту Беларусі, пазней кіраўнік звязанай з Цяцерыным кампаніі «БелПакЗаб»), Яўген Лівенцаў (бізнэс-партнёр), Андрэй Кузьменка (бізнэс-партнёр), Анатоль Ярмоленка (бізнэс-партнёр).
Бенефіты: Блізкасць да Аляксандра Лукашэнкі дае Цяцерыну магчымасць наўпрост звяртацца па пытаннях бізнэсу і дамагацца прэферэнцый. Такім чынам ён атрымаў падатковыя льготы на рээкспартныя аперацыі, асаблівыя ўмовы / фактычную манаполію на імпарт піва і кандытарскіх вырабаў, танную зямлю пад будаўніцтва комплексу каля Палаца Незалежнасці на ўмовах, якія расследавальнікі лічаць ільготнымі, і эксклюзіўнае права на дэзінфекцыю машын на мяжы.
У перыяд з 2018 па 2021 год ён прыняў амаль 30 гектараў у пажыццёвае спадчыннае валоданне. У 2025 годзе СФГ «Старт ТС» уключылі ў дзяржаўную інвестпраграму з доступам да крэдытаў Банка развіцця і бюджэтнага фінансавання.
Абмежаванні: З 21 чэрвеня 2021 года знаходзіцца пад санкцыямі ЕС, з 7 ліпеня 2021 года – Швейцарыі. Еўрапейскае абгрунтаванне звяртае ўвагу на прыналежнасць да найбліжэйшага атачэння Лукашэнкі і на атрыманне выгадаў ад рэжыму. Абмежаванні ўключаюць замарозку актываў у адпаведных юрысдыкцыях; дзейнічае забарона на ўезд у ЕС.
