Нашыя сацсеткi

Пра нас

«Бюро медыя» — каманда беларускіх журналістаў-расследавальнікаў. Мы выкрываем тых, хто выкарыстоўвае грошы і ўладу на шкоду грамадству. Мы знаходзім і расследуем схемы з прыкметамі карупцыі, каб наблізіць перамены да лепшага.

Мы дакументуем факты хабарніцтва, махлярства, ухілення ад падаткаў, адмывання грошаў, кумаўства, абыходу санкцый, парушэнняў правоў чалавека і іншых злачынстваў у розных галінах – ад эканомікі да адукацыі, ад палітыкі да медыцыны.

На рахунку нашых расследавальнікаў мноства гучных гісторый, у тым ліку з партнёрамі з розных краінаў: Organized Crime and Corruption Reporting Project (OCCRP), International Consortium of Investigative Journalists (ICIJ), The Guardian (Вялікабрытанія), Siena (Літва), Re:Baltica (Латвія), Delfi (Эстонія), Front Story (Польшча), Armando.Info (Венесуэла), Dossier (Аўстрыя) і іншымі. Нашыя расследавальнікі працавалі над самым масіўным злівам дадзеных з афшораў Pandora Papers. Гісторыi нашых журналiстаў атрымлiвалi ўзнагароды на конкурсе «Вольнае слова», траплялі ў шорт-лісты прэстыжнай еўрапейскай прэміі IJ4EU Impact Award.

Нашыя расследаванні не застаюцца незаўважанымі і ўплываюць на рэальнае жыццё: еўрапейскія палітыкі ўводзілі санкцыі, чыноўнікі ініцыявалі праверкі і заводзілі крымінальныя справы. Пасля выхаду нашых расследаванняў адмянялі вынікі дзяржаўных закупаў, аднаўлялі правядзенне забароненых аперацый у беларускіх лякарнях.

Нашая каманда

Аляксандр Ярашэвіч

[email protected]

У журналістыцы з 2010 года. Доўгі час працаваў у найстарэйшым беларускім недзяржаўным агенцтве «БелаПАН». З 2021 па 2023 гг. – у камандзе «Беларускага расследавальніцкага цэнтру». Лаўрэат прэміі «Вольнае слова» ў 2020 годзе. Аўтар расследаванняў пра бізнес сям’і Бакіевых у Беларусі, таемныя справы беларускіх уладаў у Зімбабвэ і Венесуэле, схемы «гаманцоў» Лукашэнкі ды абыход санкцый.

Вольга Ратмірава

[email protected]

У журналістыцы з 2012 года. Да 2019-га працавала ў юрыдычнай праграме на беларускім дзяржаўным тэлеканале СТБ у якасці вядучай, аўтаркі і рэдактаркі. З пачатку 2019 – карэспандэнтка ў праектах тэлеканалу «Белсат» «Маю права» і «Асабісты капітал». У сярэдзіне 2019-га далучылася да каманды «Беларускага расследавальніцкага цэнтру» ў якасці журналіста і вядучай праектаў «Давайце разбірацца» і «Шчыра кажучы». З 2021-га па сярэдзiну 2023-га кіравала аддзелам расследаванняў «Беларускага расследавальніцкага цэнтру». У 2023 годзе – ментарка Belarus Beehive. Двойчы лаўрэат прэміі «Вольнае слова». Аўтар рэзанансных расследаванняў аб карупцыі ў беларускай медыцыне, сістэме адукацыі, хабарніцтве і кумаўстве ў вышэйшых эшалонах улады ў Беларусі.

Аляксей Карпека

[email protected]

Першы беларускі журналіст, які ўвайшоў у шорт-ліст прэміі European Press Prize. Сваю расследавальніцкую дзейнасць пачаў з матэрыяла пра прыватнае прадпрыемства Віктара Шэймана «Гардсервіс» і таемную здабычу золата ў Зімбабвэ атачэннем Лукашэнкі. Выкрыў супрацу лукашэнкаўскага бізнесоўца Аляксандра Зайцава са святаром каталіцкай царквы Ігарам Лашуком дзеля абыходу санкцый. Знайшоў незадэклараваную нерухомасць у Аўстрыі праўладнага бізнесмена Мікалая Вараб’я. Распавёў пра «падарунак» Алексіна службе бяспекі Лукашэнкі: амаль дзясятак аўтамабілей і матацыклаў.

Падтрымайце нас