Карыч Багалюб
Дзейныя актывы: «Аркора Дэвелапмент» («Дубай Вотэр Фронт»/«Белінтэ-Роба»), «Лайбрары Лэйн» («Эмірэйтс Блю Скай»/«Зомекс Інвестмент»), «Дана Астра», «Капітал Палас», «Луксуда», «Дубай Інвестмент», «Гранд Атрыум Дэвелапмент», «Джы Файв Канстракшн» (будаўніцтва); Russelville Limited (Кіпр), Elaiva Trading Limited (Кіпр), Ozalco Holding Limited (Кіпр), Rodrick Limited (Кіпр), Triworst Limited (Кіпр), Enterprise Developments Holding Limited (ААЭ) (інвестыцыі); апартаменты ў Дубаі.
Гістарычныя актывы: Dana Holdings (Кіпр).
Сувязі: Лілія Лукашэнка (былая топ-менеджарка), Драгамір Карыч (брат), Міланка Карыч (жонка), Нэбайша Карыч (сын), Надэжда Лазаравіч (дачка), Даніца Карыч (дачка), Елэна Лазаравіч (дачка), Алівера Нэдэлькавіч (сястра), Мухамед Алі аль-Абар (былы партнёр), Нагіп Бехлулі (сябар сям’і, менеджар), Мустафа аль-Тобгі (сябар сям’і, менеджар).
Бенефіты: За час праўлення Аляксандра Лукашэнкі сям’я Карычаў стала буйным забудоўшчыкам Мінска. Самыя вядомыя праекты – «Маяк Мінска» і «Мінск-Свет». Пад іх будаўніцтва Лукашэнка выдаваў асобныя ўказы, якімі сербскім бізнэсоўцам давалі зямлю без правядзення аўкцыёнаў, вызвалілі ад выплаты падаткаў і мытных пошлін, а таксама правялі інфраструктуру да кварталаў, што будаваліся, за кошт бюджэтных сродкаў. Аб’ём прэферэнцый ацэньваецца прыкладна ў мільярд долараў.
За доўгія гады працы ў Беларусі сям’я Карычаў зблізілася з сям’ёй Лукашэнкі. Беларускі кіраўнік пабываў на папулярным сербскім курорце Капаонік па запрашэнні брата Багалюба Карыча – Драгаміра Карыча. Пазней бізнэсовец стаў ганаровым консулам у Бялградзе. Міланка Карыч, жонка Багалюба Карыча, часта падарожнічала разам са старэйшым сынам беларускага кіраўніка Віктарам Лукашэнкам. Яго жонка Лілія Лукашэнка некаторы час працавала ў кампаніі «Дана Астра», якая з’яўляецца забудоўшчыкам комплексу «Мінск-Свет». Карычаў таксама называлі бізнэсоўцамі, якія абслугоўвалі рэзідэнцыю Лукашэнкі на Мінскім моры пад назвай «Усход».
Абмежаванні: У снежні 2020 года Dana Holdings і «Дана Астра» падпалі пад санкцыі ЕС. У жніўні 2021 года свае абмежаванні на бізнэс сербскага сямейства наклалі ЗША, назваўшы Карычаў «будаўнічымі кашалькамі» Лукашэнкі. Санкцыі закранулі Нэбайшу Карыча, а таксама кампаніі Dana Holdings, «Дана Астра», «Эмірэйтс Блю Скай» і «Дубай Вотэр Фронт». У чэрвені 2022 года ЕС наклаў абмежаванні і на Багалюба Карыча. Бізнэсовец абскардзіў еўрапейскія санкцыі ў судзе, але яго іск быў адхілены. Пры гэтым у жніўні 2025 года амерыканскае Міністэрства фінансаў зняло абмежаванні з кіпрскай кампаніі Dana Holdings і Нэбайшы Карыча.
