Беларускі Чырвоны Крыж схлусіў пра тое, што больш не будзе засядаць у выбарчых камісіях
У распараджэнні «Бюро» аказаўся афіцыйны адказ Беларускага таварыства Чырвонага Крыжа пра тое, што пасля ўваходжання ў сілу новага закона аб БТЧК у лістападзе 2020 года, арганізацыя не будзе браць удзелу ў выбарчых працэсах (выбарах на розных узроўнях). Выявілася, што рэдакцыя закона, якая дзейнічала з 2011 года, не ўтрымлівала абмежаванняў адносна ўдзелу БТЧК у выбарах.
Але ў новай рэдакцыі дадалі артыкул пра тое, што БТЧК абавязанае кіравацца не толькі законамі Беларусі, але і статутамі Міжнароднага руху Чырвонага Крыжа і Чырвонага Паўмесяца і Міжнароднай федэрацыі таварыстваў Чырвонага Крыжа і Чырвонага Паўмесяца, а таксама іншымі дакументамі, прынятымі ў межах Міжнароднага руху Чырвонага Крыжа і Чырвонага Паўмесяца.
І з моманту ўваходжання ў сілу новага закона БТЧК абавязваецца не ўдзельнічаць у выбарчых працэсах, бо гэта не супадае з асноўнымі прынцыпамі міжнароднага руху — нейтральнасцю і незалежнасцю.
Але вось 25 лютага ў Беларусі будзе праходзіць Адзіны дзень галасавання, на якім можна паставіць птушку за кандыдатаў у дэпутаты парламента і мясцовых саветаў. І мы знайшлі, што як мінімум у трох выбарчых акругах у спісах камісій знаходзяцца супрацоўнікі БТЧК, гэта:
Бабруйска-Першамайская выбарчая акруга № 79
Быхаўская выбарчая акруга № 81
Крычаўская выбарчая акруга № 83
![doc1](/sites/default/files/2024-02/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-02-23%20%D0%B2%2010.47.49.png)
![doc2](/sites/default/files/2024-02/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-02-23%20%D0%B2%2010.47.34.png)
![doc3](/sites/default/files/2024-02/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-02-23%20%D0%B2%2010.47.23.png)
Усе тры прадстаўнікі з Магілёўскай абласной арганізацыі БТЧК. Іх імёны невядомыя, пасля выбараў 2020 года склады камісій засакрэчаныя.
Атрымліваецца, што БТЧК чарговым разам парушыла прынцыпы Міжнароднага руху Чырвонага Крыжа і Чырвонага Паўмесяца. Самі новы закон прынялі, самі яго і парушылі.